Orereta Ikastolako ikasleek zeinu hizkuntzara ekarri dute 'Zurekin batera' kanta
Zeinu hizkuntza komunikazio bide duen ikaskidea dute gelan, eta harekin komunikazioa hobetzeko urte osoan zehar zeinu hizkuntza lantzen ari dira ikasleak.
Bolo-bolo dabil sareetan azken orduetan. Ederra da egin duten lanketa, batez ere, lanketa horren atzean 9-10 urte arteko haurrak izan daudelako, eurak izan dira protagonistak. Orereta Ikastolako Lehen Hezkuntzako laugarren mailako ikastalde batek zeinu hizkuntzara ekarri du En Tol Sarmiento ETS euskal taldearen Zurekin batera kanta, baita bideoklipa sortu ere.
Ez da ausaz eta besterik gabe egitea erabaki duten iniziatiba. Urte osoan zehar aritu dira zeinu hizkuntza lantzen ikasgelan, eta kantu hau urte osoko lanari ginga jartzeko modua izan da. Oinarrian, ikaskide baten errealitatea. Zeinu hizkuntza komunikazio bide duen ikaskidea dute gela horretan, eta harekin komunikazioa hobetu eta harremana estutzeko apustua izan da urte osoko lanketa.
https://twitter.com/i/status/1392932726613942275
