Talka sarea osatzen duten eragileek lehen bilera izan dute
Apirilean jarri zuen abian talka bulegoa udalak, eta orduan hasi zen Talka Sarea ehuntzen.
Talka sarearen lehenengo bilera. Argazkia: Herri Bizia Pandemiak ekonomian izan duen eragina kaltegarria arintzeko helburuarekin Talka Bulegoa martxan jarri zuen udalak apirilean. Horrekin batera, udalerriaren ehun ekonomikoa osatzen duten eragileen sarea aktibatzen eta josten hasi zen. Gaur talka sare hori osatzen duten eragileen lehen bilera egin dute. Tal ka Bulegoak, doako zerbitzua eskaintzen die beraien jarduera ekonomikoa eusten edo negozioaren etorkizuna aldatzen laguntzeko.
Bide horretan, beraien indarrak batu dituzte eragileek, pertsona autonomoei, negozio eta enpresei laguntzen jarraitzeko. Don Bosco, Ostari, Errenkoalde, Torrekua, Errenteriako Udala, Oarsoaldeko Garapen Agentzia eta aholkularitza-gestoria bateko ordezkaria izan dira gaurko bileran.
Emankorra izan dela bilera hori esan dute udaletik. Erabaki eta ondorio nagusiak ere zehaztu dituzte: gaur abiatutako taldeak hilean behin email bat jasoko du Talka Bulegoaren eta haren erabileraren berri izateko. Hurrengo bilera datak ere zehaztu dituzte: uztailean eta urrian izango dira. Bestalde sare osaerari begira, interesgarria iritzi diote aholkularitza bulegoak txertatzea: “harreman estua dute negozioekin eta konfiantza handia. Hortaz, Talka Bulegoarentzat informazio lagungarria dute”. Hala, erabaki dute gestoria eta aholkularitza bulegoentzako informazio saio bat egitea.
Talka sarea osatzen ari den espazioa dela nabarmendu dute azkenik, “eragileak gehituz joango da, espazioa osatzen dutenen iniziatibak eta proposamenak jasoz”.
