Euskadiko Master txapelketatik dominaz eta errekorrez lepo itzuli da Errenteria Atletismo Taldea
Guztira, Errenteriako 21 atleta aritu ziren txapelketaren barruan. Domina zein emaitzek, kluben arteko txapelketan parte hartzea ahalbidetuko dio klubari, eta Gipuzkoa, Euskadi eta Espainiako hainbat errekor ere ezarri zituzten atzoko lan saioekin.
Errenteria Atletismo Taldeko kirolariak: ARgazkia: EAT Euskadiko Master Txapelketa jokatu zen atzo Durangoko Landakon, eta Errenteria Atletismo Taldeak ordezkaritza zabala eraman zuen, baita emaitza paregabeak lortu ere. Guztira, Errenteriako 21 atleta aritu ziren txapelketaren barruan. Domina zein emaitzek, kluben arteko txapelketan parte hartzea ahalbidetuko dio klubari, eta Gipuzkoa, Euskadi eta Espainiako hainbat errekor ere ezarri zituzten atzoko lan saioekin.
Dominak honakoak: Ines Perez W80, urrea 100 metroetan eta Euskadiko errekorra; Ester Estefania W65 urrea 500, 800 eta 1.500 metroetan. Hiruretan, gainera, Espainiako errekorra egin zuen atzo; Montserrat Mostaza W45, urrea luzera jauzian, eta zilarra altuera jauzian; Maika Moreda F55 urrea 100 metroetan eta Euskadiko errekorra, eta urrea, disko eta mailu jaurtiketan; Ade Rubio F40 zilarra 1.500 metroetan; Nahikari F40 zilarra 800 metroan eta brontzea 1.500 metroan; Cris Chueca F50 zilarra xabalina jaurtiketan eta brontzea disko jaurtiketan; Belen Salvador F45, urrea 100 metroan eta 800 metroan; Monica del Rincon F40 urrea 400 metro hesi lasterketan, eta urrea 200 metroan; Dana Romero F40 urrea luzera jauzi hirukoitzean eta 80 metro hesi lasterketan; Alberto Quintano M55 urrea 100 metro hesi lasterketan eta Euskadiko errekorra; Miguel Harina M55 urrea jauzi hirukoitzean eta 400 metroan; Arkaitz Aginagalde M40 urrea 5.000 metroan; Patxi Riezu M55, urrea altuera jauzian eta zilarra pertikan; Jesus Zabache M55, laugarrena disko jaurtiketan eta pisu jaurtiketan; Asier Fernandez M 55 urrea disko eta xabalina jaurtiketan eta zilarra mailu eta pisu jaurtiketan; Rafa Ferrer M60 urrea 300 metro hesi lasterketan, eta urrea 400 metroetan; Ander Iriondo M70 urrea 400 metroetan eta 800 metroetan; Jose Pomar M65 zilarra 800 metroan eta 1.500 metroetan; Joserra Letona M45 urrea 100 eta 200 metroetan.
Datorren asteburuan Proba Konbinatuko Espainiako Masterra jokatuko da eta han izango dira EATko atletak. Jaurtiketan pentatloia eta 10.000 metroko lasterketa egingo dituzte.
Ekainean, berriz, Banakako Espainiako Master txapelketa dute jomugan, eta Kluben Master Espainiako txapelketarako sailkatuta dago dagoeneko emakumeen taldea zortzi klub onenen artean, gizonen taldearen sailkapenaren zain dira.
