Ondasun higiezinen zerga ordaintzeko epea zabalik da
Helbideratutako ordainagirien kasuan, hiru dasta ezberdinetan hiru karga egingo ditu udalak herritar horiek egokiena zaien unea hauta dezaten. Helbideratu gabekoek abenduaren 31 arte izango dute ordaintzeko epea.
Abenduaren 31 da higiezinen zerga ordaintzeko azken eguna. Hiri eta landa izaerako higiezinen zerga ordaintzeko epea zabalik dela jakinarazi du udalak, abenduaren 31 arte. Helbideratuta dauden ordainagirien kasuan, uztailaren 1ean kargatuko ditu udalak, baimendutako entitate eta kontu korrontean. Geroago, urriaren 1ean bigarren karga bat egingo du, eta hirugarren bat abenduaren 31n.
Ordainagiria helbideratuta ez dutenen kasuan, ordainketak Zu! Zure Udala zerbitzuan egin beharko dute, edozein entitate laguntzaileetan, edo web orrian abenduaren 31 baino lehen-. Adierazitako epe hori gaindituta, premiamendu bidezko jardunbideari ekingo dio administrazioak, eta ordaindu ez diren kuotak, dagokien gainordainarekin kobratuko ditu.
