Auzo konpostaren jarraipen bisita, bihar
09:00etan abiatuko dute teknikariek Lezoko konposta guneetatik ibilbidea. Lehen geldialdia Altamirakoan egingo dute, azkena Lopenen.
Lezoko auzo konposta guneetara bisita egingo dute horren jarraipena egiten duten adituek. Bihar (asteazkena) da bisita hori, 2021eko hirugarrena. 09:00ak hasiko dira herriko guneetatik bista egiten, hurrenkera honetan: Altamira, Andreone, Aralar, Arretxene eta Lopene. 45 bat minutuko bisitaldiak dira. Horietan guneen jarraipena egiteaz gain, erabiltzaileek hainbat argibide jasotzeko aukera dute.
Udalak lezoarrei dei egin die konposta egiten jarrai dezaten, baita COVID-19aren aro honetan ere, “beste edozein jardueratan bezalako segurtasun neurriak jarraituz”. Dena dela, bisitetan jende pilaketarik egon ez dadin teknikariekin harremana Whatsappez (647 057 402) edo posta elektronikoz egiteko eskatu dute.
