Ekain erdialdetik eman ahalko da izena Pasaiako Musika Eskolan
Datorren ikasturterako matrikulazio epea ekainaren 14ean zabalduko dute ikasle zaharrentzat, eta 17an berrientzat. Uztailaren 2ra arte inskribatu ahalko da.
Pasaiako Musika Eskolan 2021-2022 ikasturterako izena emateko epea ekainaren erdialdean zabalduko dute, bi fasetan: dagoeneko ikasle direnak 14tik aurrera inskribatu ahal izango dira, eta ikasle berriek 17ra arte itxaron beharko dute. Guztientzako azken eguna uztailaren 2a izango da.
Eskola lau mailatan dago egituratuta, adinaren eta musikari buruzko ezagutzaren arabera. Kuotei buruzko informazioa, ordutegia eta beste hainbat intereseko datu udalaren webgunean irakur daitezke.
