Soinu Zahar txapelketa, larunbatean Lezon
Lezo Herri Eskolako patio estalian egingo dute txapelketa, 16:00etatik aurrera. Publikoak bertara joateko aukera du, baina gonbidapena eskuratu behar da.
Murixka Dantza Taldeak antolatuta, larunbatean Soinu Zahar eta Aurresku txapelketa egingo dute Lezon. Zehazki, 16:00etan hasiko dira txapelketari dagozkion dantzaldiak, Lezo Herri Eskolako patioan.
A, B eta D mailetako dantzariek parte hartuko dute bertan, beraz, zazpi urtetik gorako dantzariek euren maila erakusteko aukera izango dute herrian, betiere adin tarteka banatuta. Lezoar dantzariak ere bertan izango dira.
Publikoak bertan egoteko aukera du, doan gainera. Aurrez, baina, gonbidapena eskuratu beharko dute interesdunek, Lezoko Udalaren webgunearen bitartez.
