Natur ondarea bertatik bertara ezagutu dute ikasleek
Ikasgelak natur eremuarekin trukatu dituzte Errenteria-Oreretako sei ikastetxeetako LH eta DBHko 455 ikaslek ordu batzuetan.
Ikasleek natur ondarea ezagutu eta balioan jartzeko irteera gidatuak egin dituzte. Ikasgelak natur eremuarekin trukatu dituzte Errenteria-Oreretako sei ikastetxeetako LH eta DBHko 455 ikaslek ordu batzuetan. Liburuak itxita, begiak, belarriak eta zentzumen oro zabaldu dituzte, bertatik bertara ezagutu eta gozatzeko inguruan duten natur ondarea. Ez dute bakarrik egin, udalak antolatu ditu txangoak baita Ingurumen hezitzaileak haur eta gazteen eskura jarri gidari lanetan aritzeko. Malbazar edo Pagosardegiko urmaelak, zuhaitzak, baso motak, fauna, antzinako lanbideen arrastoak, pago motz basoak, Añarbeko basoaren aberastasuna, bioaniztasuna…
Herrian bertan, etxetik hurbil duten natura ondarea ezagutarazi eta balioan jartzea da txango gidatu horien helburua, baita gazteak eta naturaren arteko harremana sustatzea bide batez. Eskolako Agenda 2030 programaren barruan basoa landu dute gainera aurten, eta irteera horiek beraz, oso lagungarri izan zaizkie ikasleei.
Balorazioa, ezin hobea, parte hartzaileen gainean egin dutena. Irteera guztiak COVID-19 protokoloa zurrun errespetatuta egin dituzte, burbuilaka.
