Itsasoko sasoia Gipuzkoako Txapelketarekin hasiko du Pasaia Kayakek
Talde pasaitarrak bajak ditu, baina Zumaian izango diren kirolariek aukerak dituzte aurrekoen artean egoteko. 12 kilometroko proba da.
Lander Rodriguezek egin dezakeen lanarekin konfiantza dute klubean. Pasaia Kayakeko palistek bihar (larunbata) hasiko dute itsasoko sasoia, behin ur lasaietako probak bukatuta. Hain zuzen ere Zumaian izango dira, bertan izango baita jokoan Gipuzkoako Txapelketa. 15:30ean hasiko dira lehiak. Banaka zein taldeka ariko dira pasaitarrak. 12 kilometroko itsas bidea du txapelketak.
Kirol elkarteko kideek, ordea, bajak izango dituztela zehaztu dute. Hala, Ion Carballok, Aritz Aranetak nahiz Iñigo Loisek ezin izango dute Zumaian egon. Bai ordea Lander Rodriguezek: kirol elkartekoek egindako analisiaren arabera, Senior kategorian txapela lortzeko hautagaien artean dago.
K-2 ontzietan, Xabi Crespok eta Iñaki Fernandezek ordezkatuko dute talde pasaitarra, eta ziur daude Eukene Saezek ere lan txukuna egiteko gaitasuna duela.
