Ekainaren 14an zabalduko dute Pasaia Musikalen izena emateko epea
Ikasle direnentzat izen emate epea ekainaren 14an zabalduko dute, eta berrientzako epea hil horren 17an zabalduko dute. Uztailaren 2ra arte dago irekita.
Trintxerpeko Andonaegi jauregia da Pasaia Musikalen egoitza nagusia. 2021-2022 ikasturteari begira ari dira jada Pasaia Musikalen. Hala, herrian musika ikasketak egin nahi dituztenek hilaren 14tik izango dute izena emateko epea zabalik. Zehazki, egun horretan aurretik matrikulatuta dauden ikasleen txanda irekiko da (uztailaren 2ra arte), eta ikasle berriek ekainaren 17tik dute apuntatzeko aukera (uztailaren 2ra arte ere bai).
Izena emateko aukeren berri izateko, Pasaiako Udalaren webgunera joateko aukera dago. Bertan, gainera, Pasaia Musikalen eskaintzaren berri izan daiteke (ikasgaiak, taldeak, ordutegiak, tasak…). Telefono bidez ere egin daiteke musika eskolarekin harremana: 943 39 60 55.
