Ingurumenaren Nazioarteko Egunean, Jaizkibelen ibilaldi didaktikoa
Larunbatean da ibilaldia, Jaizkibelgo magaletatik zehar. 10:30ean aterako dira Gurutze Santuaren plazatik. Haurrentzako ere egokia da.
Eguzki talde ekologistak Ingurumenaren Nazioarteko Egunarekin bat egiteko proposamena egin du: larunbaterako (hilak 5) ibilbide didaktiko bat egiteko aukera prestatu du, Jaizkibel mendiaren magaletatik, Lezoko haur eta gurasoentzat.
Eguzkikoek zehaztu dute ibilbide labur eta erraza izango dela, eta oinetako egokiak eraman ditzatela eskatu diete parte hartu nahi dutenei. Bada, 10:30ean dira irtetekoak Gurutze Santuaren plazatik. Lezoko Udalaren babesa du bideak.
Bestalde, egunotan zabalik da Kultura Aretoan Jaizkibel-Lezo historian zehar erakusketa, Eguzkik antolatua, eta larunbateko martxa bezala udalaren babesa duena.
