Kirol gunetako abonamendu berriak, sarrera kuotarik gabe
Hilaren 21ean hasiko da udako denboraldia Beraun eta Fanderiako udal igerilekuetan irailaren 12ra arte.
Fanderiako kiroldegia. Kirol instalazioetako abonamendu orokor berriek ez dute sarrera kuotarik ordainduko. Hilaren 21ean hasiko da udako denboraldia Beraun eta Fanderiako udal igerilekuetan irailaren 12ra arte. Horren harira, eta herritarrak aktibatzeko asmoz harpidetza kanpaina berria jarri dute martxan.
Abonu orokorraren edozein modalitateetan ekainaren 10a arte alta ematen dutenek ez dute sarrera matrikula ordainduko. Kanpaina honetan parte hartzen duten pertsonek, lau hilabeteko konpromisoa hartuko dute.
Ekaineko eta uztaileko kuotak alta emateko unean ordainduko dira, eta abuztukoa eta irailekoa, uztailean. Informazio gehiago Galtzarabordako kiroldegiko harreran (943 44 96 91) eta Fanderiako kiroldegiko harreran (943 34 44 23).
