Agintaldiaren bi urteen balorazioa egin du Lezoko PSE-EEk
Lezoko PSE-EEk agintaldiaren bi urteetan egindakoaren berri emateko aldizkaria egin du. Lezoko postontzietara emango dute.
Lezoko PSE-EEk agintaldiaren lehen bi urteen balorazioa egin du, erdialdera iritsi delako. EAJrekin batera, Lezoko Udaleko gobernu taldeko kide da alderdi sozialista. Bi urtean egindakoaren berri emateko eskuorriak banatuko dituzte herriko postontzi guztietan, 2.600 orotara. Elebitan dago informazio orria, “gardentasun ariketa da”, zehaztu du Joxan Sanchez taldearen udal eledun eta Ingurumen, Trantsizio Ekologiko, Merkataritza eta Sustapen Ekonomiko zinegotziak.
Informazio euskarrian besteak beste pandemiak herrian izandako eraginaz eta udalak emandako urratsez mintzo da Sanchez, tartean, merkatariekin izandako hartu-emanak daudela. Gainera, mugikortasun eta irisgarritasun alorrean PSE-EEko kideak egindako kudeaketa lanak zehazten dira.
Ingurumen alorrean egindakoen berri ere jaso daiteke herriko 2.600 postontzietara iritsiko den informazio aldizkarian, tartean Altamirako parke ekologikoaren gaia, edo Jaizkibelen egindako interbentzioak daudelarik.
Informazio euskarria izateko, klik egin hemen (PDF artxiboa da, elebitan dago).
