Zarataren kontrako borroka lehenesteko eskatu du Eguzkik
Zaratari aurre egitea lehentasuna izan behar du Eguzki talde ekologistarentzat eta hala eskatu dio udalari, lehenesteko horri aurre egiteko neurriak.
![](https://oarsoaldea.hitza.eus/site/files/2018/12/11548282Master-1.jpg)
Zaratari aurre egitea lehentasuna izan behar du Eguzki talde ekologistarentzat, eta hala eskatu dio udalari: lehenesteko horri aurre egiteko neurriak, osasuna dagoelako jokoan. Babes Akustiko Bereziko Plan Zonalaren hasierako onarpenaren aurka errekurtsoa aurkeztu du taldeak, aurretik aurkeztu zituen alegazioetan oinarrituta; alegazio horiek atzera bota zituen osorik udalak.
Eskaera zorroztasunetik egina dela esan du eta horren harira hainbat datu aipatu dituzte: “Udalak 55.371.884 euroko aurrekontu osoa du aurtengorako, eta horietatik 5.000 baino ez dira bideratu osasun publikoko arazo horretara. Horren aurrean, Santa Klara kaleko 5-15 atarien aurrealdeko horma pintura bezalako partida aurreikusten du, 50.000 eurokoa; zarataren aurkako borrokari baino 10 aldiz gehiago eskaintzen dio”.
Zarataren aurkako borrokara diru zati handiagoa bideratu behar dela adierazi du Eguzkik: “Errekurtsoa aurkeztuta dago hortaz, eta gure eskaera behar bezala justifikatuta. Espero dezagun osasun publikoa hobetze aldera, neurri handi batean onartua izatea”.