[Galeria] Dantzari lezoarrak, lehen sarien jabe Gazte Mailako Aurresku Txapelketa Nagusian
A eta B sailetako irabazle Judith Jacinto (Lezo) eta Mikel Esnaola (Lezo) izan ziren hurrenez hurren. Dantza giro aparta bizi izan zen atzo Niessenen.
Aurresku eta soinu zahar txapelketen sasoian gertatukoa ikusita espero zitekeen, baina oholtzan dantza egin arte, ezin jakin. Dantzari lezoarrak nagusi izan ziren atzo Erein elkarteak antolatutako Gazte Mailako III. Aurresku Txapelketa Nagusian. Errenteria-Oreretako Niessen aretoan (sarrera guztiak saldu ziren) egin zen txapelketa, Ereineko kideek esan dutenez giro paregabean, eta dantzarien maila oso altuarekin. Eta bi irabazle izan ziren: A sailean (2011tik 2013ra jaiotakoak) Judith Jacinto, eta B sailean (2008-2010) Mikel Esnaola, biak ala biak lezoarrak.
Erein elkarteko antolatzaileak gustura azaldu dira atzoko goizak emandakoarekin. Batetik, ikusle asko (osasun segurtasun neurriak kontuan hartuta) izan zirelako Niessenen, eta dantzariek oso maila ona agertu zutelako oholtzan Bestetik, eskerrak eman dizkiete jarduera antolatzean laguntza eman dutenei, tartean Errenteriako Udalari, Udal Txistulari Taldeari eta Gipuzkoako Dantzarien biltzarrari.
Jarraian, A eta B sailetako ohorezko postuak. D sailekoek (2006 eta 2007 urtean jaiotakoak) Legazpin dute txapelketa nagusia, hilaren 19an.
A saila (sei parte hartzaile izan ziren).
- Judith Jacinto (Lezo) 80,40 puntu.
- Unax Ansola (Elgoibar) 76,30 puntu.
- June Osinalde (Legazpi) 74,00 puntu.
B saila (hamabi parte hartzaile izan ziren).
- Mikel Esnaola (Lezo) 149,70 puntu.
- Jurgi Errandonea (Andoain) 147,30 puntu.
- Danel Castillo (Pasai Donibane) 133,30 puntu.
- Onditz Esnaola (Lizartza) 133,00 puntu.
- Inge Olaizola (Lezo) 132,80 puntu.
Segidan, atzoko hainbat argazki, Carrera argazkilariak HITZAri emandakoak.
