'Haritzaren itzalean' proiektuak jazza ekarriko du Niessenera ostiralean
Aitor Zorzanoren 'Zortzikotea' proiektuaren emanaldirako doako sarrerak datorren bihartik aurrera eskuratu ahal izango dira Lekuona Fabrikako harreran.
Jazza Niessen Kulturgunera ekarriko du Haritzaren Itzalean taldeak, Aitor Zorzano errenteriaren Zortzikotea proiektuaren emanaldiarekin. Errenteriako Musika Kultur Elkarteak antolatu du osteguneko (hilak 11) hitzordua, 19:00etan hasiko da emanaldia Niessen auditoriumean.
Haritzaren itzalean Aitor Zorzano musikari errenteriarraren zuzendaritzapean sortu den proiektua da. Iniziatibaren lehen aurrerapena joan den otsailean aurkeztu zuten, eta orain, zortzi musikarik onena emango dute agertokian, horien artean zuzendaria bera: Aitor Zorzano (saxo tenorra), Julen Arbizu (tronpeta), Carlos Lazaro (saxo altua), Alvaro Jarauta (tronboia), Maialen Tellabide (pianoa), Iban Martin (gitarra), Beñat Ziganda (baxua) eta Ander Marino (bateria).
Kontzertura bertaratu ahal izateko nahitaez gonbidapena eskuratu beharko da bihartik aurrera, doan, Lakuona Fabrikako harreran.
Errenteriako Musika Kultur Elkarteak jakinarazi du laster aurkeztuko dutela denboraldiaren bigarren zatirako kontzertuen egutegi ofiziala, eta pandemiak behartutako etenaldi luzearen ondoren, Errenteriako Musika Banda bertan izango dela: “Kontzertu handiak, estreinaldiak eta proposamen eszeniko berriak ekarriko dizkigu gure herriko Musika Bandak. Azken batean, MUSIKAZ, beteriko denboraldia”.
