Neska Gazteen Txokoaren hirugarren tailerra hilaren 26an izango da
Emakumeen Etxean egingo dute topaketa, 10:00etatik 14:00etara. Edertasun ereduak eta diskriminazio nahiz indarkeria moduak izango dituzte hizpide.
Neska Gazteen Txokoaren hirugarren tailerra hilaren 26an izango da, Emakumeen Etxean 10:00etatik 14:00etara. Edertasun ereduen inguruan gogoetatzeko eta diskriminazio eta indarkeria moduei buruzko hausnarketa egiteko helburua izango du topaketak. Euskaraz izango da eta 16 eta 25 urte bitarteko neskei zuzenduta dago.
Zer da ederra izatea? Nolakoa da neska perfektua? Eta mutil perfektua? Zerk egiten gaitu erakargarri? Zein presio jasotzen ditugu edertasun ereduetan sartzeko? Nola sortzen dugu gure autoi-rudia? Eta autoestimua?… Halako galderen inguruan hausnartuko dute tailerrean.
Izena emateko 943 44 96 30 zenbakira deitu edo helbide elektronikora idatz daiteke. Horrez gain, gogora ekarri dute Emakumeen Etxeak ateak irekita dituela, astelehen eta ostiraletan, 9:00etatik 13:00etara, eta asteartetik ostegunera, arratsaldez, 16:00etatik 20:00etara.
