Odola emateko saioa egingo dute datorren asteazkenean Antxon
Barrutiko kultur etxean izango dute topaketa odol emaileek hilaren 16ean. Joan den urtean eman beharreko diploma eta dominak banatuko dizkiete ohiko boluntarioei.
![](https://oarsoaldea.hitza.eus/site/files/2020/07/dsc1600-1200x795.jpg)
Datorren asteazkenean, hilak 16, odola emateko saioa egingo dute Pasai Antxoko kultur etxean, 16:30ean hasi eta 20:10ak arte, gutxi gorabehera. Topaketan bertan, 2020an eman beharreko diploma eta dominak banatuko dizkiete 25, 40 , 50 eta 75 aldiz odola eman duten boluntarioei.
Joan den hilabeteko saioan 39 poltsa jaso zituzten, horietako bi emaile berrienak izanik; antolatzaileek gogora ekarri dute boluntario berriak beharrezkoak izaten direla izaten diren bajak ordezkatzeko. Jendea ez pilatzeko ordua emango zaie ohiko odol emaileei.