Munttarpek udako campusa antolatu du
Lezoko eskubaloi taldearen campusa ekainaren 28tik uztailaren 2ra da, arratsaldeko ordutegiarekin. Izena emateko epea hilaren 25ean bukatuko da.
Munttarpe Eskubaloi Klubak eskubaloiko campusa antolatu du aurten ere, 2008 eta 2009 urteetan jaiotako neska eta mutilentzat. Ekainaren 28tik uztailaren 2ra (bi egun horiek barne) da, arratsaldeko ordutegiarekin egunero, 15:30etik 17:00etara. Bekoerrota kiroldegiak jasoko du eskubaloian trebatzeko eta ondo pasatzeko jarduera. Hilaren 25era arteko epea dago izena emateko.
Izen ematea 20 eurokoa da, eta La Caixako ES41 2100 5396 9602 0007 6410 kontu zenbakian egin behar da ordainketa. Horrekin batera, izen ematea gauzatzeko fitxa bete behar du parte hartzaile bakoitzak (bertan erantsi behar da ordainagiria).
Campusa bitartean COVID-19aren gaineko neurriak beteko direla adierazi dute Munttarpeko kideek. Besteak beste, musukoen erabilera derrigorrezkoa izango da.
