Gi-636 errepidea itxita izango da asteburu osoan
Obren eragina saihesteko AP-8 autobidea erabiltzea gomendatu dute.
Gipuzkoako Foru aldundiak GI-636 errepidearen zorua birgaitzeko lanak egiten jarraituko du, eta asteburu osoan itxita izango da errepide hori 1,700 eta 2,7000 puntu kilometrikoen artean, Irungo noranzkoan. Lanak, gaur 21:00etatik igandeko 22:00etara egingo dituzte. Gaurko 21:00etatik biharko 22:30era arte ezkerreko erreian egingo dituzte lanak, eta zirkulaziorako zabalik izango da eskuineko erreia eta Errenteriarako sarbideak, kaputxinoen gaineko kaletik Irunera sartzeko sarrera izan ezik; azken hori itxita izango da obra zatian zirkulazioaren segurtasuna bermatu ahal izateko.
GI-636 errepidearen eskuineko erreitik Irunerako noranzkoan doazen erabiltzaile guztiak, Altamirako biribilgunetik desbideratuko dira, eta handik GI-636 errepidera joan ahal izango dira Irungo noranzkoan berriro. Biharko 22:30etik igandeko 22:00etara, berriz, eskuineko erreian lan egingo da, eta GI-636 errepideko Irunerako galtzadatik Errenteriarantz eta Errenteriatik nola sartu erabakiko da.
Kaputxinoak eta Don Boscoko biribilgunea itxita egongo dira. Irungo noranzkoan sartu nahi duten erabiltzaileek, Errenteriako irteera hartu beharko dute Sorgintxulo kaletik, eta Altamirako biribilgunera Lezo pasealekutik sartu, handik GI-636 errepidera joateko Irungo noranzkoan. Kaputxinoetatik Errenteriarako irteera hartu nahi dutenek, berriz, Lartzabalgo biribilgunean Errenteriako irteera hartu beharko ndute eta handik Errenteriara, Nafarroa etorbidetik sartu.
