Memoria feministaren gordailu bihurtuko dituzte hormak
Espazio publikora atera eta azken hamarkadetan egin duen lan eskerga aitortu nahi dio Emakumeen Etxeak mugimendu feministari.
Emakumeen Etxean izango dira ekintzak. Mural batera bilduko dute memoria feminista. Espazio publikora atera eta azken hamarkadetan egin duen lan eskerga aitortu nahi dio Emakumeen Etxeak mugimendu feministari. Horretarako horma-irudi bat diseinatuko dute modu kolaboratiboan iniziatibarekin bat egin nahi duten Errenteria-Oreretako emakumeek. Hori lotzeko, berriz, tailerra antolatu dute. Bi saio izango dira, hilaren 22an, lehena eta 29an bigarrena. Edukiari buruzko ideiak proposatzeko izango da lehen saioa; bigarrena, muralaren zirriborroa adosteko.. Bi saioak 18:00etatik 20:00etara egingo dituzte emakumeen etxean bertan.
Prozesuan zehar bidaide izango dira Geroarte kolektiboko Claudia Pennese arkitekturan doktorea eta Iñigo Hernandez arkitekto eta margolari muralista.
Uztailean zehar, Zapirain anaien kaleko bi hormetan egingo da Errenteriako Memoria Feministaren murala. Tailerrean izena emateko 943 44 96 30 telefono zenbakira deitu edota posta elektronikora mezua bidali behar da.
Emakumeen Etxeak ateak irekita dituela astelehen eta ostiraletan 09:00etatik 13:00etara eta asteartetik ostegunera 16:00etatik 20:00etara Txirrita Parkean ekarri dute gogora.
