[Galeria] Hamarka lagun gerturatu dira HemenGuk-en lehen azokara
Aurreko astean aurkeztu zuten herriko hogei ekoizlek marka berri hau, “Oiartzungo ekoizleen lana erakutsi eta ezagutarazteko" asmoz. Denetarik erosteko aukera izan da.
Jendetza gerturatu da gaur eguerdian Oiartzungo udaletxeko arkupetara, HemenGuk-en lehen azoka egin baitute bertan. Aurreko astean aurkeztu zuten herriko hogei ekoizlek marka berri hau, “Oiartzungo ekoizleen lana erakutsi eta ezagutarazteko proiektu berria”. Bada, lehen azoka arrakastatsua izan da.
Denetarik erosteko aukera izan dute oiartzuarrek, askotariko produktu eta jakiak. Barazkiak, txakolina, ogia, gazta, bitxiak, marrazkigintza… Herriko ekoizleek txoko paregabea aurkitu dute gaur arkupeetan.
Ondorengoak dira gaurko azokan parte hartu duten ekoizleak:
Ekoizleak
- Aldako. Txakolina.
- Arabolaza. Eztigintza.
- Arraztalo. Barazkiak.
- Drink mucha. Kombucha.
- Elika. Barazkiak.
- Gezamina. Ogia.
- Ilargi. Egurrezko bitxiak.
- Itsaso. Amets harrapariak.
- Labore. Bertako produktuen denda.
- Larremotx. Gazta.
- Leire Dorronsoro. Bitxiak.
- Lekungarai. Gazta.
- Loregorri. Oihalezko konpresak eta poltsak.
- Minak. Ogia.
- Momotegi. Ahatekiak.
- Pagoa. Garagardoa.
- Papurrak. Ogia eta goxoak.
- Peluzar. Arrautza ekologikoak.
- Trikuharri kultur elkartea. Marrazkigintza.
- Zituene. Pasta.
