Euskadi etorbideko errei bat moztuko dute datorren astelehenean
5-7 zenbakietako obretako garabia desmuntatzeko lanak direla-eta, lerroa moztuta izango da 08:00etatik aurrera, printzipioz, egun osoz.
Euskadi etorbideko garabia desmuntatu ahal izateko errepidearen errai bat moztuko dute. Artxibo irudia. 
Euskadi etorbideko 5-7ko obretako garabia desmuntatzeko lanak direla-eta, enpresak eskatuta, bi noranzko dituen errepidearen erreietako bat moztuko dute datorren astelehenean (hilak 18).
Goizeko 08:00etatik aurrera moztuko dute bidea, hasiera batean, egun osoz. Dena den, lanak aurretik amaituz gero, ahal bezain laster berrekingo zaio ohiko zirkulazioari. Egoerak irauten duen bitartean, San Pedrora doazen ibilgailuak portuko bidetik desbideratuko dituzte.
