Hazien Soinuak eta Stop Motion tailerrak gazteei begira
Bi tailerretan izena emateko epea zabalik dago Lekuona Fabrikaren harreran edota 943 44 96 35 telefono zenbakian, taldea osatu arte. Parte hartzaileei, tailerrak egiteko egunetan bertaratzeko konpromisoa eskatuko zaie.
Gazteentzako doako udako bi tailer antolatu dituzte Lekuona Fabrikan. 12 eta 16 urte arteko gazteei begirakoak dira bi tailerrak, eta uztailean egingo dituzte. Teknologia berrien bidez ingurua esploratu eta aurkitutako soinu zein irudiekin bideoklip bat sortzea du helburu Hazien Soinuak tailerrak. Teknologia, musika, bideogintza, sormena… landuko dituzte eta parte hartzaileek gustukoen dutena garatuko dute.
Lau eguneko jarduna izango da, uztailaren 6an eta 8an 09:30etik 12:30era eta uztailaren 12an eta 14an, 09:00etatik 13:00etara.
Bigarrena, Stop Motion izango da. Teknika ezagutu eta ikus-entzunezko pieza kolektibo bat sortuko dute auzolanean: gidoia eraiki, grabazioaren desglosea egin, produkzio lanak antolatu, materialak prestatu, grabazioa koordinatu, eta muntaia eta edizioaren magia deskubrituko dituzte. Honakoa ere, lau eguneko jarduera iznago da: Uztailaren 19,21,26,eta 28an 09:30etik 13:30era.
Bi tailerretan izena emateko epea zabalik dago Lekuona Fabrikaren harreran edota 943 44 96 35 telefono zenbakian, taldea osatu arte. Parte hartzaileei, tailerrak egiteko egunetan bertaratzeko konpromisoa eskatuko zaie.
