Lau barrutiak zeharkatuko ditu HARRObira "transmaribibollo" bizikleta martxak
Larunbatean (hilak 26) 10:00etan Donibanetik abiatuko dira lehen bizikletak, Antxo eta Trintxerpe zeharkatu ondoren San Pedron bazkaltzeko.
“Transmarikabibollo” kolektiboaren aldeko ekintza aldarrikatzailearen berri eman du Harremantxo talde feministak. Bizikleta martxak Oarsoaldeko udalerri guztiak zeharkatuko ditu, eta Pasaiako barruti bakoitzetik pasako da, honako orduetan, gutxi gorabehera:
- 10:ooetan Donibaneko Santiago plazatik abiatuko dira lehen bizikletak.
- 13:00etan iritsiko dira Antxoko Zumardira, aurretik Lezo, Oiartzun eta Errenteria-Oreretatik pasata.
- 13:45ean Trintxerpeko Gernika plazan zehar eragingo diete pedalei.
- 14:00etan bukaera emango diote jarduerari, San Pedroko frontoian. Bertan bazkari autogestionatua egitea da asmoa.
Talde feministak jakinarazi du furgoneta bat joango dela partaideei edozer behar izanez gero laguntzeko; dena den, gogora ekarri dute larunbatekoa ez dela, bere horretan, kirol jarduera bat, eta mantso joango direla. Denontzako aukerak daude: “Ez baduzu bizikletan ibiltzeko gogorik, zure herriko ekintzara hurbildu!”, animatu dituzte pasaitarrak.
Kaskoa, musukoa, janaria eta edaria eramatea gomendatu dute.
