Ehungintzan trebatzeko tailerrak eskainiko dituzte uztailean zehar
Errenteria-Oreretako Torrekua eraikinean izango dira jarduerak. Parte hartzeko ez da beharrezkoa aldez aurretiko ezagutzarik izatea.
Uztailean zehar Torrekua eraikinean (Errenteria-Orereta) ehungintzarekin lotutako hainbat tailer eskainiko dituzte. Gaur egun kokaleku hartan HABIAN! Ehungintzan garatzen ari diren proiektuetan egiten diren jarduerei lotutako tailerrak izango dira.
Jarduerak herritarrei zuzenduta daude eta ehungintzako jarduerak modu ludikoan egin ditzaten eta moda kontsumitzeko modu berriei buruz hausnarketa bultzatzea dute helburu. Halaber, gaur egungo kontsumo-paradigmaren aldaketak ehungintzan duen garrantzia azpimarratu nahi dute antolatzaileek, ehungintzaren jasangarritasuna, moda kontzientea, slow fashion delakoa eta tokiko kontsumoa bezalako alternatibak eskainiz.
Gaur egun HABIAN! Ehungintzan dauden hiru egoiliarren eskutik antolatuko dituzte tailerrak, Oarsoaldea Garapen Agentziaren laguntzarekin; Saioa Matxain (SAI-SUO markaren sortzailea, moda diseinatzailea), Anne Gajate (ANNE GAGO bere marka sortu duen moda diseinatzailea) eta Ruben Pantiga (modako argazkigintzan espezialista, www.kibomodaconsciente.com dendaren sortzailea eta #kosturakamikaze proposamenaren bultzatzailea).
Egitaraua eta xehetasun guztiak beheko irudian ikus daitezke. Izena eman daiteke formulario hau beteaz edo posta elektroniko bidez idatziz. Ez da beharrezkoa aldez aurretiko ezagutzarik izatea.
