Garagune berria, aniztasun intelektuala duten pasaitarrentzat
Instalazio berria Trintxerpeko Arrandegi kalean dago eta hamabi plaza berri egokitu dituzte bertan Pasaia inguruko bizilagunentzat.
Gaur goizean egindako bisitaren irudia. 
Goyeneche Fundazioak, Gipuzkoako Foru Aldundiarekin lankidetzan, lurraldeko 15. Garagunea ireki du, eta hamabi plaza berri egokitu ditu aniztasun intelektuala duten Pasaia inguruko bizilagunentzat. Trintxerpeko Arrandegi kalean dago, egokitu berri den 360 metro koadroko lokal batean.
Pasa den maiatzaren 26tik dago martxan gune berria, adimen aniztasuna duten helduei eguneko arreta ematen. Gaur goizean, Gipuzkoako diputatu nagusi Markel Olanok, eta Gizarte Politikako diputatu Maite Peñak bisitatu dute estreinatu berri den zentroa.
