"Aniztasun afektibo sexualaren aldeko borroka guztiona eta egunerokoa da"
Udalak adierazpen instituzionala egin du LGTBIQ+ Harrotasunaren Nazioarteko Egunaren karietara, "askotariko fobien aurrean, aniztasuna eta bizikidetza ona sustatzen jarraitzeko".
LGTBIQ+ Harrotasunaren Nazioarteko Eguna dela eta, adierazpen instituzionala publiko egin du Pasaiako Udalak. Udalerrian bizikidetza sustatzen jarraitzeko lanean segituko dutela berretsi dute udalean ordezkaritza duten lau alderdiek, hainbat konpromisorekin:
- Hezkuntza- komunitatearekin sentsibilizazioa, kontzientziazioa, prebentzioa eta eredu berriak lantzea.
- Kontzientziazioa sustatzea eta herrian komunitatearen eskubideen alde lanean aritzen diren kolektiboen elkarlanean jarraitzea.
- Herritarrek bete behar dituzten instantzietan gizon-emakume dikotomia gainditzen saiatzea.
- Udalarenak diren eraikinetan komun komunak ezartzea, genero-bereizketarik gabe.
- Generoagatiko edo sexu-orientazioagatiko eraso orori erantzun instituzionala ematea.
Ekainaren 28ko egun honetan Pasaiako Udalak lanean jarraitzeko konpromisoa hartu du, “askotariko fobien aurrean, aniztasuna eta bizikidetza ona sustatzen jarraitzeko, lesbiana, homosexual, transexual eta bisexualen, hau da, LGTBI+ komunitate osoaren, ongizatea ziurtatzearren”.
