Bueltan da Aitor Txiki Futbito Txapelketa
Hilaren 17, 24 eta 31n jokatuko da txapelketa Haurtzaro Ikastolako kantxan. Lehien eta taldeen zozketa hilaren 15ean egingo dute, Girizian.
Bueltan da berriz ere Aitor Txiki Futbito Txapelketa, Oiartzungo Sareren eskutik. Iaz ezin izan zuten egin, pandemia egoeragatik. Hilaren 17, 24 eta 31n jokatuko dituzte txapelketaren barruko partidak, Haurtzaro Ikastolako kantxan. COVID-19ak eragindako osasun neurriengatik, Oiartzungo taldeek soilik parte hartu ahal izango dute lehian, nahiz eta talde bakoitzean bi atzerritar (oiartzuarrak ez direnak) onartuak izango diren. Gainera, hiru asteburutara luzatu dute.
Txapelketan izena emateko hiru bide daude:
- Sorgin eta Miren tabernetan dauden zerrendetan apuntatzea.
- Txapelketaren Instagram kontura mezu pribatua bidalitzea.
- 660 799 706 telefono zenbakira mezua idaztea.
Hiru kasuetan honako informazioa eman behar da: taldearen izena; taldearen arduradunaren izena, eta haren telefono zenbakia. Inskripzioaren zenbatekoa 50 eurokoa da; horri beste 20 gehitu behar zaizkio, fidantza gisara.
Partiden zozketa hilaren 15ean egingo dute, 19:00etan, Girizian.
Sariak
Orotara lau sari hitzartu dituzte antolatzaileek. Txapelketaren irabazleak talde osoarentzat afaria irabaziko du Intxixu jatetxean; bigarren den taldeak, berriz, Kabitxon gozatu ahal izango du afariaz; hirugarren eta laugarren direnei arkumen bana emango diete. Nola ez, ohorezko lau postu horietan sailkatzen direnek garaikurra jasoko dute.
