Giro onean doa txapelketa
Euskal Herriko Selekzioa eta Valentziakoak joko zuzeneko nazioarteko partidak jokatzen ari dira gaur eta bihar Oiartzungo Madalensoron.
Emakumeak partiida hasi aurretik gaur eguerdian. Euskal Herriko Selekzioa eta Valentziakoa joko zuzeneko nazioarteko partidak jokatzen ari dira gaur eta bihar Oiartzungo Madalensoron. Bi herrialdeek egiten duten hirugarren topaketa da aurtengoa, Euskal Pilota Federakuntzak eta Federacio de Pilota Valencianaren iniziatibaz.
Gaurko eta biharko lagunartekoak , urrian eta azaroan jokatuko diren nazioarteko txapelketarako entrenamendu gisa hartuko dituzte pilotariek. Goizean gizonen txanda izanda, eta eta eguerdian emakumeen plaza libreko partida jokatu dute. Gizonek 13:00etan egin dute plaza libreko partida. Arratsaldean, berriz, 17:00etan Mahai jokoko partida egingo dute emakumeek, eta gizonak arituko dira ondoren. Bihar Emakumeen pasaka eskuz partida hartuko du Madalensorok 11:00etan hasita.
Iniziatibaren atzean bi selekzioek, Euskal Herrikoak eta Valentziakoak mundu mailako ikusgarritasuna lortzeko asmoa dago. Txapelketa, gainera, Kepa Arroitajauregi Euskal Pilota Federazioko presidenteordea zena omentzeko ere baliatu dute.
Apenaz ikuslerik gabe, osasun egoerak mugatzen duelako ari dira egiten txapelketa, baino parte hartzaileen arteko animoak eta txaloak ez dituzte falta izan.
-
- Joko zuzeneko nazioarteko partidak jokatzen ari dira Oiartzunen.
