Zilarra lortu du biko ontzi arrosak Espainiako Aulki Mugikorreko Txapelketan
Gutxienez 12 urte igaro dira San Juanek azken domina lortu zuenetik Espainia mailako modalitate horretako lehian. 7 batelera izan dituzte ordezkari haurren kategorian.
Biko ontziko haurrek zilarrezko domina eskuratu zuten. Hiru ontzi eraman zituen San Juanek Bayonlesera (Girona), Espainiako Aulki Mugikorreko Txapelketara, eta emaitza txukunak lortu zituzten arrosek igandean izandako finalean, gutxienez 12 urte pasa baitira klubak azken domina lortu zuenetik Espainia mailako modalitate hartako txapelketa batean.
Denera zazpi batelera izan ziren arrosen ordezkari (hiru ontzitan) haurren kategorian, bat banakako ontzian, bikote bat eta laukote bat. Hona hemen emaitzak: 2x ontziak zilarrezko domina irabazi zuen; eta 1x eta 4x arraunlariak B finalean izan ziren, eta laugarren eta hirugarren postuak lortu zituzten, hurrenez hurren.
