Aste honetan, COVID-19agatik 133 positibo Oarsoaldean

Lezo eta Oiartzun koronabirusaren eremu gorrian daude, eta Pasaia sartzear da. Errenteria-Orereta momentuz, eusten ari da.

Urko Etxebeste

Errenteria-Orereta,Lezo,Oiartzun,Pasaia

2021/07/16

Aste eskasa COVID-19aren positiboei dagokienez Oarsoaldean. Orotara, astelehenetik ostegunera, 133 kutsatu gehiago atzeman dituzte osasun zerbitzuek: 46 Errenteria-Oreretan, 36 Pasaian, 34 Oiartzunen eta 17 Lezon. Horrek ekarri du lau herrietako tasek nabarmen gora egin dutela, bereziki Lezon eta Oiartzunen, eremu gorrian daudelako.

Joan den astean, epe berberean (uztailaren 5etik 8ra), 69 izan ziren Oarsoaldeko lau herrietan kutsatu zirenak.

Jarraian, herriz herrikako datu eguneratuak.

Errenteria-Orereta. Tasa: 281 (igandean 206koa zen). Positiboak (astelehena-asteartea-asteazkena-osteguna): 10-7-13-16.
Pasaia. Tasa: 382 (igandean 203koa zen). Positiboak (astelehena-asteartea-asteazkena-osteguna): 5-13-10-8.
Oiartzun. Tasa: 607 (igandean 337koa zen). Positiboak (astelehena-asteartea-asteazkena-osteguna): 3-9-15-7.
Lezo. Tasa: 526 (igandean 263koa zen). Positiboak (astelehena-asteartea-asteazkena-osteguna): 4-7-4-2.

Erlazionatutako edukiaBizikideak ez direnen kaleko topaketak debekatuta, 00:00etatik 06:00etara

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.