'Suaren froga', denboran eta espazioan Patri Urkizuren bidaia berria
Joanes Lopez Zeraingoaren bizitza kontatzen du sortzaile lezoarrak atzo aurkeztu zuen nobelan: inkisizioaren sutan hil zen, 1530ean.
Patri Urkizu, atzoko aurkezpenean. Argazkia: Erein argitaletxea. Patri Urkizu (Lezo, 1946) idazle eta irakasleak Suaren froga (Erein argitaletxea) nobela aurkeztu zuen atzo Donostiako Udal Liburutegian. Batez ere saiakeran idatzitakoa da Urkizu, baina oraingoan nobelara itzulia egin du Ereinekin argitaratzen duen hirugarren lanean.
XV. mendearen bukaeran eta XVI. mendearen hasieran bizi zen Jones Lopez Zeraingoaren bizitza kontatzen du sortzaile lezoarrak, nobela historikoan. “Denboran eta espazioan bidaia bat egitera gonbidatzen dut irakurlea, zerbait ikas dezakegulakoan”, adierazi zuen atzoko aurkezpenean Urkizuk. Inkisizioaren sutan hil zuten Joanes Lopez Zeraingoa 1530ean, Granadan (Espainia).
Aurkezpenaren eta lan berriaren xehetasun guztiak Berria egunkariak bildu ditu.
