Goraka jarraitzen dute positiboek Oarsoaldean
Oiartzunek du tasarik altuena, eta milara heldu ez bada ere, oso gertu dago; Pasaiak, Lezok eta Errenteria-Oreretak, jarraitzen diote, orden horretan.
Mantsotu bada ere, goraka jarraitzen dute positiboek Oarsoaldeko herrietan. Gorako jokaera mantentzen da. Hala erakusten du Osasun Sailaren gaurko txostenak. Azken hiru egunetako positiboak bildu dituzte bertara eta aurreko asteburuarekin alderatuta, atzora arte zenbatutako positiboen kopuruak gora egiten jarraitzen du. Guztira, 102 positibo hauteman dituzte Oarsoaldeko lau herrietan (aurreko asteburuan, 16tik 18ra, 88 izan ziren). Horietako gehienak Errenteria-Oreretan zenbatu dituzte, 52. Hala ere, herri hori da zehazki, tasarik baxuena duena Oarsoaldekoen artean, 530,17koa da atzora arte bildutako datuen arabera.
Tasari erreparatuta, Oiartzunek du egoera kezkagarriena, ez da heldu momentuz 1.000ko tasara, baina gertu. Oso gertu dago, 993,35ean, eta hiru egunetan 16 kutsatu zenbatu dituzte bertan. Pasaian, 28 izan dira positiboak ostiraletik atzora arte eta 705,66koa da tasa. Lezon, berriz, sei lagun kutsatu dira, atzokoan ez zuten positibo bat bera ere hauteman udalerri horretan, eta tasa, 690,79koa da.
- Errenteria-Orereta. Tasa: 530,17 (hilaren 18ko igandean 363koa zen). Positiboak (ostirala-larunbata-igandea): 16-19-17.
- Lezo. Tasa: 690,79 (hilaren 18ko igandean 493koa zen). Positiboak (ostirala-larunbata-igandea): 3-3-0.
- Oiartzun. Tasa: 993,35 (hilaren 18ko igandean 781koa zen). Positiboak (ostirala-larunbata-igandea): 12-1-3.
- Pasaia. Tasa: 705,66 (hilaren 18ko igandean 460koa zen). Positiboak (ostirala-larunbata-igandea): 11-12-5.
