Greba eta mobilizazioekin jarraitzen dute etxez etxeko zerbitzuko langileek
Bihar Herriko Plaza hartuko dute, eta bertan elkarretaratzea egingo dute hitzarmenaren eguneraketa eta lan baldintza duinak eskatzeko, 11:30ean hasita.
Etxez Etxeko langileek hamabosgarren eguna bete dute greban gaur. Biharkoa greban egingo duten 28. eguna izango dute Errenteria-Oreretako etxez etxeko zerbitzuko langileek. Hori dela eta, mobilizazioak iragarri dituzte bihar goizean. Grebaren atzean, lan baldintza duinen eskaera dute langileek, eta lan hitzarmenaren eguneraketa. Oinarrizko zerbitzua da, zaintza da, ezinbestekoa, baina hala ere, oraindik orain, bigarren mailako gisa tratatzen dituzte ezinbesteko diren langile horiek, eta haien egitekoa. Horrekin amaitzea eskatzen ari dira, zehazki, dagokiena aitortzea, ez gehiago.
Une honetan etxez etxeko zerbitzuan ari diren 60 langile dira Errenteria-Oreretan.
Bihar Herriko Plaza hartuko dute, eta bertan elkarretaratzea egingo dute hitzarmenaren eguneraketa eta lan baldintza duinak eskatzeko, 11:30ean hasita.
