[Galeria] Bote luzean, finalaren bila
Gipuzkoa eta Iparralde-2 taldeek jokatu dute gaur, Oiartzungo Beheko Plazan, Euskal Herriko bote luzeko finalerdia. Finala hilaren 10ean da.
Gaur lehian izan diren bi taldeetako kideak. Bote luzeko Euskal Herriko txapelketaren finalerdietako bat izan da jokoan gaur goizean Oiartzungo Beheko Plazan. Gipuzkoa eta Iparralde-2 taldeak izan dira aurrez aurre. Gipuzkoako taldean, Txosteko partaideak izan dira besteak beste.
Partidaren hasieran izan da HITZA. Lehen tantoetan behintzat, gipuzkoarrak aurretik hasi dira. Dena dela, astelehenean emango du hedabide honek azken emaitzaren berri.
Finalerako sailkatzen den taldeak, finalean Bizkaiko talde bat izango du kontrario. Izan ere, beste finalerdia herrialde hartako bi taldeen artekoa da. Hilaren 10ean da jokatzekoa txapelduna erabakitzeko partida.
Jarraian, gaurko partidaren hainbat irudi.
