Digitalizazioa jendartearen zerbitzura nahi dute
Garapen teknologiaren gaineko jardunaldia antolatu dute hilaren 15ean. Helburua, digitalizazioak demokrazian, lan munduan, hezkuntzan eta humanitatean izan dezakeen eraginari buruz hausnartzea da antolatzaileek azaldu dutenez.
Euskal Herria Digitala manifestua aurkezteko unea pasa den ekainean Lekuona Fabrikan. Garapen teknologiaren gaineko jardunaldia antolatu dute hilaren 15ean. Helburua, digitalizazioak demokrazian, lan munduan, hezkuntzan eta humanitatean izan dezakeen eraginari buruz hausnartzea da antolatzaileek azaldu dutenez. Izan ere, azken hamarkadetan sistema kapitalistaren egiturazko zenbait fenomeno azkartu egin dira horien ustez, “finantza globalizazioa, lanaren prekarizazioa, demokraziaren pribatizazioa, berotze globala… eta testuinguru horretan, gainera, jauzi kualitatibo bat gertatu da garapen teknologikoan”.
Bilakaera hori hori, baina, elite finantzarioaren alde egon ordez soilik, jendartearen zerbitzura jar dadin, IPES, Olatukoop, TEKS, Ipar-Hegoa, Manu Robles Arangiz eta Iratzar fundazioetan uste dute digitalizazioaren egungo estadioaren gaineko eztabaida publiko serio bat hasteko unea dela. Bide horretan urratsa izango da hilaren 15eko jardunaldia. Lekuona Fabrikak hartuko du jardunaldia, 16:00etan hasita Euskal Herria digitala, Ziberburujabetzara bidean goiburuarekin. Euskal Herria digitala manifestua aurkeztuko dute lehenik. Gorka Julio Talaios Koopeko ordezkariak eta Idoia Zengotitabengoa Iratzar Fundazioko ordezkariak egingo dute aurkezpen hori.
Ondoren, Ekaitz Cancela ikertzaile eta saiogileak Salidas polirticas al capitalismo digitalari buruzko hitzartzea eskainiko du, eta Cecilia Bayo —Grupo de madres y padres aliados con Xnet para la democratización digital de las escuelas—jarraituko du ondoren. Amaitzeko, jaione Martinezek, Skura kooperatibako bazkide langilea eta TEKS elkarteko kideak hartuko du hitza.
Adituak entzunda, hausnarketarako espazioa zabalduko dute.
Jardunaldian parte hartzeko izena eman behar da galdetegia beteta.
