Bi lagun atxilotu dituzte ondarearen kontrako delitua egotzita
Bi lagun atxilotu ditu Ertzaintzak, 31 urteko emakumea eta 44 urteko gizona, laguntzailearen iruzurra izenekoa leporatuta. Ondarearen kontrako delitua da Segurtasun Sailak azaldu duenaren arabera, eta kutxazain automatikoak erabiltzen dituzten adinekoei egiten diete.
Kutxazainetan eta adinekoei egiten diete iruzurra. Argazkia: Segurtasun saila Bi lagun atxilotu ditu Ertzaintzak, 31 urteko emakumea eta 44 urteko gizona, laguntzailearen iruzurra izenekoa leporatuta. Ondarearen kontrako delitua da Segurtasun Sailak azaldu duenaren arabera, eta kutxazain automatikoak erabiltzen dituzten adinekoei egiten diete. Donostian, Irunen eta Errenterian izandako gertaerak aztertzen ari da Ertzaintza, eta emandako informazioaren arabera, iruzurgileek guztira hamar mila eurotik gora lapurtu dituzte.
Errenteria-Oreretako banketxe batean zeuden emakume eta gizon baten jarrerak atentzioa eman ziola Ertzaintzari esan du Segurtasun Sailak, “kutxazainera sartzen ziren pertsonak zaintzen eta horietan eragiketak egiten ari ziren. Susmoa egiaztatu zuten Aginte eta Kontrol Zentrotik jakinarazi zietenean adineko emakume bati kreditu txartela lapurtu ziotela kutxazainean eragiketak egiten ari zenean”.
Bikotea txartel bat manipulatzen ikusi zuten eta txartela aztertzea erabaki zuten ertzainek. Txartelaren titularrak ez zirela probatu zuten orduan, eta lapurretaren berri eman zuen pertsonarena zela baieztatu zuten. Bikotea identifikatu eta miaketa eginda, 2.500 eurotik gora aurkeztu zizkieten billeteetan. Emakumea eta gizona atxilotu eta Ertzaintzaren egoitzara eraman zituzten eta Donostiako Guardia epaitegiaren esku utzi gero.
Ertzaintzak kutxazain automatikoak erabiltzeko garaian hainbat aholku eman dizkie adineko pertsonei. Hala,ahal den neurria behintzat, kutxazainera bakarrik ez joateko aholkatu du, eta bertaratzerakoan txartela prestatuta aurretik eramatea. Kutxazaina gauez ez erabiltzeko gomendio ere luzatu du, baita diru kopuru handirik ez ateratzeko ere, eta beste pertsona batzuk aurrean daudela dirurik ez ateratzeko.
Eragiketarik ez egitea aholkatu dute, gainera, inguruan pertsona susmagarriak sumatzen badituzte, baita gakoa sartzerakoan inori ez uzteko ikusten.
Ezezagunen laguntzarik ez onartzeko eta iruzurrezko edo legez kanpoko zordunketak egin dituztela sumatuz gero salatzeko gomendatu du azkenik.
