San Tomas egunak Zumardia hartuko du aurten
Norbanakoek eta elkarteek osatzen dute San Tomas batzordea, eta bertan parte hartzera deitu dituzte herritarrak, inoiz baino beharrezkoagoa eta garrantzitsuagoa izango baita batzordearen esanetan ahalik eta jende gehienaren laguntza.
Santomas eguna Errenteria-Oreretan. Egin egingo dute, eta San Tomasen maila ohikoa mantendu asmoz lanean hasi da jada Orereta-Errenteriako Santomas batzordea. Hala jakinarazi du batzordeak, eta onartu, prestaketa lanekin hasteko “nahikoa berandu” dabiltzala. Norbanakoek eta elkarteek osatzen dute San Tomas batzordea, eta bertan parte hartzera deitu dituzte herritarrak, inoiz baino beharrezkoagoa eta garrantzitsuagoa izango baita haren esanetan ahalik eta jende gehienaren laguntza.
Horri begira, bilerara deitu dute hilaren 27an, asteazkenarekin, Merkatuzarren 19:00etan.
Txistorra zein artisau, eta elikagai postuak jarri nahi dituztenek, gainera, eskaera aurkeztu beharko dute hilaren 20tik azaroaren 10era bitartean. Horretarako Zu! Zure Udala arreta zerbitzura jo beharko dute eredu egokia beteta. Zerbitzuan bertan edo web orrian topatuko dute eredu hori betetzeko.
Gogora ekarri du, halaber, batzordeak, txistorra postua jarri nahi dutenek azokaren antolaketan parte hartu behar dutela, eta aipatu datorren asteko bileran parte hartu beharko dutela.
