Asteazkenean, Lezoko konposta guneetara bisita
09:00etan hasiko dituzte adituek herriko auzokonposta guneetara bisitak. Hilaren 27koa urteko azkenaurrekoa da. Azkena abenduaren 14an egingo dute.
Lezoko konposta guneetara adituen hurrengo bisita asteazken honetan izango da, hilaren 27an. 09:00etan hasiko dira herriko eremu horien bisitarekin, hurrenkera honetan: Altamira, Andreone, Aralar, Arretxene eta Lopene. Gune bakoitzean 45 bat minutu izango dira adituak. Urteko azken aurreko bisita da asteazkenekoa; azkena abenduaren 14an da. Gune guztietako laginak jasoko dituzte etziko bisitan, analisiak egiteko eta auzokonpostaren datuak biribiltzeko.
Lezoko Udalak adierazi su bisita horiek bitartean herritarrek horietan izateko aukera dutela, edozein zalantza argitzeko, edo besterik gabe informazioa biltzeko.
Aldi berean, teknikariekin harremana egiteko aukera dagoela nabarmendu du udalak. Posta elektronikoz eta WhatsApp bidez (647 05 74 02) bidal daitezke ekarpenak.
