Bihar, Lezoko Udaleko hainbat eraikinetan 11:00etan hasiko dira herritarrak jasotzen
Udalaren hainbat eraikinetan argindarrarekin harremana duten lanak egin behar dituzte goizean. Horregatik, ohikoa baino geroago hasiko dira herritarrak jasotzen.
![](https://oarsoaldea.hitza.eus/site/files/2021/10/lezo-udaletxea.png)
Bihar goizean (hilak 26, asteartea) Lezoko hainbat udal eraikinetan argindarraren sareari lotutako lanak egin behar dituzte, beraz, argia moztuko dute. Horregatik, 11:00ak arte herritarrei zabalik diren zerbitzuek etena izango dute.
Lezoko Udalak adierazi du norbaitek urgentziaren bat izatekotan Udaltzaingora deitu behar duela (629 43 48 47).