Adinekoen egoitzetan greba egingo dute ostegunean
Ostegunean greba egingo dute zerbitzu eta lan duinaren alde, prekarietatearen aurka, eta zaintza erdigunean jarriko duen ereduaren alde ELA eta LABek.
Sanmarkoseneko protestaren irudi bat joan den ostiralean. Argazkia: LAB sindikatua Ostegunerako greba eguna dute adinekoen egoitzetan ELA eta LAB sindikatuek deituta. Gipuzkoako helduen egoitzetako egoera larria ezagutarazi, eta lehenbailehen irtenbidea emateko eskatuko dute bi sindikatuek, “egoera honek jendarte osoari eragiten dio, erakunde eta enpresen jarrera ikusita, langile, egoiliar eta hauen senideen arazoa baino ez dela dirudien arren”. Aurretik larria zen egoera, pandemiak “gordin” azalarazi duela esan dute, “agerian gelditu dira adinekoen egoitzetako gabeziak, berriak ez direnak”.
Ostegunean greba egingo dute zerbitzu eta lan duinaren alde, prekarietatearen aurka, eta zaintza erdigunean jarriko duen ereduaren alde. Ez da greba egun bakarra izango, azaroaren 12an ere greba egingo dute Gipuzkoako egoitzetan.
Ondokoak, greba iragartzeko pasa den ostiralean egindako elkarretaratzeak dira. Errenteria-Oreretako Jesusen Bihotza adinekoen erresidentzian, Pasaiakoan eta Errenteria-Oreretako Sanmarkosenen egindakoa azaltzen dira; LABenak dira argazkiak.
-
- Protesta Sanmarkosene erresidentzian.
-
- Protesta Jesusen Bihotza erresidentzian.
-
- Protesta Pasaiako erresidentzian.
