Argindarrik gabe daude Lezoko hainbat eremutan
Udalak atzo iragarri zuen udal eraikinetan ez zutela zerbitzurik emango, argindar sarea konpontzeko. Baina eten horiek herritarrei ere eragin diete.
Kiroldegian, eta inguruko etxebizitzetan argindarra moztu dute. HITZAk lezoar baten deiarengatik jakin ahal izan duenez, Lezoko hainbat eremutan argindarrik ez da orain (09:00). Udalak atzo adierazi zuen udal eraikinetan ez zutela zerbitzurik emango 11:00ak arte, argindar sarean egin beharreko lanen ondorioz. Baina ez zen garbi azaldu, antza, mozketa horiek herritarrei ere eragingo zietela. Iberdrola ari da arduratzen lan horiek egiteaz, eta herritarren arabaera, mozketaren abisua emateko kartelak herriko zonalde batzuetan jarri dituzte, baina beste batzuetan ez.
Hedabide honek hainbat lezoarrengatik jaso duenez, herritar denek ez zekiten argindarraren mozketa izango zutenik. HITZAk jakin ahal izan duenez, Kale Nagusiaren eta Donibane kalearen inguruan nahiz kiroldegiaren inguruan ez dute argirik. Litekeena da beste eremuren batean ere ez izatea.
