Gaztetxoak arraunketa probatzera animatu ditu Hibaikak
Batez ere, 11-14 urte arteko mutilei luzatu die Hibaikak deialdia, baina neskak ere ongietorriak izango direla dio.
Behe mailako taldeetako bat batelean. Argazkia: Hibaika Arraunketa probatzera animatu ditu Hibaika arraun Elkarteak herriko gaztetxoak. Neska zein mutila izan, ateak parez pare zabalik aurkituko dituzte elkartean hasi nahi dutenek, baina batez ere, 11 eta 14 urte arteko mutilen atala indartu nahi du klubak, “epe ertain luzera, gure gizonen txalupa erreferente errenteriarrez beteta egon dadin, egun neskekin gertatzen zaigun bezala”. Hibaikak nabarmendu du emakumeen botea deritzon efektua, beheko mailetatik nabarmentzen da, ez da horrela gertatzen, ordea, gizonen sailean, “zailtasun gehiago ditugu mutilak erakartzeko”.
Irailean hasi ziren buru belarri behe mailekin Hibaikako arduradunak, urtarriletik aurrera klubeko gazteenek batel eta trainerilla lehiaketekin goza dezaten.
Urtarrila erdialdean hasiko da denboraldia, eta Aste Santura arte izango dira lehian.
Izena eman nahi dutenek, astelehen, asteazken eta ostiraletan pasa behar dute 17:00etatik aurrera Hibaikaren egoitzatik, Ondartxoko Mataderotik.
Loteria salgai
Hibaika Arraun Elkarteak, bestalde, bere bazkide, laguntzaile eta jarraitzaileei Gabonetako loteria salgai dagoela jakinarazi die, ohiko lekuetan: Etxeondo Tabernan, Magdalena Gozotegian, Rosmin, Felix Arrandegian (Irun) , La Parra Riojana Tabernan, Hegoa Tabernan (Intxaurrondo), eta Espigon Berri tabernan (Gros). 76.774 da Hibaikak jokatuko duen zenbakia eta partizipazioak 6 euro balio ditu.
