AHT-ri ezetz esateko martxa abiatu da
AHT eraikitzeak izango lukeen ondorioen gaineko informazioa zabalduko dute gaur Oarsoaldeko AHT gelditu plataformako kideek. Zehazki, azpiegitura "txikitzaile" horrek, Astigarraga eta Lezo arteko trazatuaren gaineko informazioa zabalduko dute goizen goiz abiatu duten mendi martxaren bidez.
Mendi martxarako bidean, Oarsoaldeko AHTren kontrako plataformako kideak. AHT eraikitzeak izango lukeen ondorioen gaineko informazioa zabalduko dute gaur Oarsoaldeko AHT gelditu plataformako kideek. Zehazki, azpiegitura “txikitzaile” horrek, Astigarraga eta Lezo arteko trazatuaren gaineko informazioa zabalduko dute goizen goiz abiatu duten mendi martxaren bidez.
AHTren aurkako aktibistak Errenteria-Oreretan elkartu dira Martutene aldera abiatzeko trenez; izan ere, bertatik atera da martxa hori 09:00etan. AHT-k aipatutako trazatu horren puntuz ehatzetan geldialdi egin eta eragingo dituen kalteak azalduko dituzte plataformako kideek. Lan horiei hamarka alegazio aurkeztu badizkiete ere eragile zein norbanakoek, oraindik ere erantzunik ez dutela jaso salatu dute, gainera, AHT Gelditu Oarsoaldeko plataformako kideek.
Hainbat datu argigarri: Ingurumen inpaktuaz gain, ekonomikoa ere aipatu dute AHTaren kontrakoek: 476 milioi euroko aurrekontua luke Astigarraga-Lezo zatiak, 50 milioi kilometroko.
Martxarako ordutegia:
- 08:30. Lezo-Errenteriako tren geltokian gelditu dira, trenez Martutenera joateko.
- 09:00. Martxa hasi aurreko bilkura Martuteneko gasolindegiaren aurreko parkean.
- 11:00. Geldialdia Lau Haizetako Putzueta bidean.
- 12:00. Geldialdia San Markoko zabortegiaren sarreran.
- 13:00. Geldialdia Txirrita-Maleo eta Masti-Loidi industriaguneen arteko biribilgunean.
- 14:00. Zentolen inguruan geldialdia eta bazkaria Ezkontegin (norberak eramandakoa).
- 15:30. Geldialdia Mamut merkataritza gunean.
- 16:00. Geldialdia Audele-Mendi Gain inguruan.
- 18:00. Gaintxurizketako geltokian topoa hartuko dute hala nahi duten partaideek, euren herrietara itzultzeko.
