Hasi dira txapelketarako prestatzen
Araba, Bizkai, Gipuzkoa eta Nafarroako selekzioen Haur Mailako txapelketa jokatuko da bihar eta etzi Lezoko Bekoerrota kiroldegian,
Gipuzkoako selekzioko Haur Mailako jokalariak entrenatzen. Araba, Bizkai, Gipuzkoa eta Nafarroako selekzioen Haur Mailako txapelketa jokatuko da bihar eta etzi Lezoko Bekoerrota kiroldegian. Finalerdiak izango dira bihar, eta etzi berriz, finalak. Partidak, 10:00etan, 12:00etan, 16:00etan eta 18:00etan jokatuko dituzte.
Txapelketari begira, entrenatzen aritu dira gaur Gipuzkoako selekzioko jokalariak, neska eta mutilen taldeak. Irlentz Quiñones Lezoko Kurkubi Saskibaloi taldeko lehendakariak txapelketa Lezon egitearen garrantzia nabarmendu du Quiñonesek, “gu garen bezain klub umila izanik, halako txapleketa handia antolatzea garrantzitsua da”. Ez da lehen aldia halako txapelketa hartzen duena Lezoko Kiroldegia eta Kurkubi anfitrioi dela, “duela hiru urte txapelketa bera hartu genuen Lezon, baina Gazte kategorian. Aurten 14 urtetik beherako jokalariak izango ditugu herrian, eta honakoa bigarren txapelketa handia dugu bertan. Harro gaude”.
Kurkubi Saskibaloi taldeko neskak boluntario lanetan arituko dira txapelketa behar bezala joan dadin bi egunetan.
Gipuzkoako selekzioko Mutilen Haur Mailako jokalariak entrenatzen amaitutakoan._
Nork irabaziko duen galdetuta, faborito beti Bizkaia dela nabarmendu du Kurkubikoak: “Nesketan agian Gipuzkoak sorpresa txikia eman dezake. Mutiletan Bizkaia da faboritoa, baina nesketan nahikoa irekia dago dena. Kontuan izan behar da bi urte daramatela jokatu gabe pandemiaren ondorioz, entrenatu bai, baina jokatu ez dute egin. Misterio bat da, ez dakigulako nola dauden zehazki. Beraientzako halako txapelketa bat garrantzitsua da hainbeste partida eta gero”.
Irabazlea ezagutzeko astelehenean finalak jokatu arte itxoin beharko da, giroa ziurtatuta dago Bekoerrotan bi egunetan.
