Migraziorako Euskal Itunarekin bat egin du udalbatzarrak
Migratzaileak mehatxu gisa aurkezten dituzten diskurtsoak mundu zabalean ugaritzen ari diren unean, inoiz baino beharrezkoagoa da horiei aurre egiteko tresna eta mekanismo egokiak indarrean jartzea.
Migraziorako Euskal Itunarekin bat egin du Errenteriako Udalbatzarrak. Migratzaileak mehatxu gisa aurkezten dituzten diskurtsoak mundu zabalean ugaritzen ari diren unean, inoiz baino beharrezkoagoa da horiei aurre egiteko tresna eta mekanismo egokiak indarrean jartzea. Migraziorako Euskal Itunak hori du helburu, populismo xenofoboaren aurrean erantzun solidario eta erantzulea sendotzea, eta zeharkako batasun sozial eta politikoa eratzea, populismoaren asmoak ezerezean uzteko.
Helburu pragmatiko bat ere badu itun horrek, migrazioaren erronkari gizartearen hazkunde eta aurrerabide prozesuaren parte gisa heltzea.
Itun horrekin bat egin du Errenteriako Udalbatzarrak, ulertzeko erraza den premisa oinarrian hartuta: “Jaso nahiko genukeena eskaintzea”. Hori bezain sinplea baita gaiaren atzean dagoena; migratzaileak etorkizun baten bila heltzen dira asko-askotan euren jaioterrietatik ihesi, hamaika arrazoi atzean. Eta inoiz, edonor, izan daiteke egoera berean.
Lotura honetan irakur daiteke udalbatzarraren adierazpena osorik.
