Gilda berritzaileena eta onena, Xera Gastrotekarena
Cebanc Sukaldaritza Eskolan egin zuten lehiaketa atzo, baita, gilda montatzaileena ere
Andoni Larrea Xerako sukaldiara (beltzez), lehen saria jasotzen. Xera Gastrotekaren gilda, berritzaileena eta goxoena izendatu dute atzo egindako Gilda Lehiaketaren III. ekitaldian. Cebanc Sukaldaritza Eskolan egin zuten lehiaketa atzo, baita, gilda montatzaileena ere. Pintxo ospetsu horren lehiaketan parte hartzeko hiru osagaiak fin mantendu behar zituzten sukaldari parte hartzaileek; oliba, antxoa, eta Ibarrako piparra ordezkaezinak dira lehiaketan parte hartzeko; hortik aurrera, nahi adina osagai eta zenbat eta berritzaileagoa hobe.
Xera Gastrotekako sukaldariak sortutako gilda.
Sukaldari ona eta sortzaile bikaina ere badela argi utzi zuen Xera Gastrotekako ordezkariak, bere gilda izan baitzen atzoko irabazlea. Andoni Larrea izan zen pintxo irabazlearen sortzailea, hura baita Xerako sukaldari nagusia.
Lehiaketa Gilda Egunaren VII. ekitaldiaren barruan antolatu dute. Larunbatean egin zuten, eta helburua Gipuzkoa osoan hain tradizionala den pintxoari ikusgarritasuna eta balioa ematea da. Egun osoan zehar, Gipuzkoako 100 establezimenduetan gildak dastatzeko aukera izan zen, tartean Hondarribia, Irun, Pasaia eta Errenteria-Oreretako hainbatetan.
