Platako farorako bidea, moztuta, jausitako zuhaitz batengatik
Kaizaingoak ez du, orain artean, erorketaren berri izan. Martxan dira jada, "berehala" bertaratu eta bidea ohikotasunera buelta dadin.
Platako farorako igoeran, Talaia bidea hartu aurretik, zuhaitz bat dago jausirik, oinezko nahiz ibilgailuentzat bidea mozten ari delarik.
Eremu hori Pasaiako Portu Agintaritzaren ardurapean dago; orain artean horren berri izan ez dutela aitortu diote hedabide honi, eta “berehala” bertaratuko dela gunera Kaizaingoa, ahal bezain pronto zuhaitza erretiratu eta pasabidea ohikotasunera buelta dadin.
Litekeena da zuhaitza orain dela bi aste izandako euriteen ondorioz erori izana, baina ez, ordea, horiek gertatu ziren egunean bertan; izan ere, portuko arduradunen arabera, ostiral hartan eta hurrengo egunetan zonaldearen zainketa intentsiboa egin baitzuen Kaizaingoak, eta halako jazoerarik ez zuten antzeman bidean.
