Dirdira egingo duen kantu festa
Errenteria Gabon Abesti sariketa probintziala egingo dute igandean, Ereintza Elkarteak antolatuta. Bide luzeko lehiaketa da, aurten 75 urte beteko ditu musika koralaren erreferentea bihurtu den hitzordua.
Gazte-Kemen abesbatza Gabon Abesti LEhiaketan Errenteria Gabon Abesti sariketa probintziala egingo dute igandean, Ereintza Elkarteak antolatuta. Bide luzeko lehiaketa da, aurten 75 urte beteko ditu musika koralaren erreferentea bihurtu den hitzordua. Goiz eta arratsaldez egingo dute Galtzarabordako kiroldegian.
75 urte beteta, brillantezko ezteiak berezi ospatu behar zituztela erabaki zuen Ereintza Elkarteak, eta aurtengoak ohiko sariketa formatua alboratuta, lehiaketa gutxienez behin irabazi duten abesbatzak gonbidatu dituzte oholtza gainera. Hala ere, jardunaldia bitan banatu dute, eta goizez 12:30ean hasita, Horra, horra! Eguberriko belaunaldiarteko kontzertuaren laugarren ekitaldia egingo dute.
Goizeko saioan parte hartuko duten abesbatzak: Aita Donostia Abesbatza, Cum Jubilo Abesbatza, Ibaiertz Abesbatza, Illumbe Abesbatza, Julian Barrenetxea Abesbatza, Kantaka Abesbatza, Kontari-Landarbaso Abesbatza eta Landarbasoko Dizdizka Abesbatza. Erlantz Fernández, Nikolas Zubia, tronpetak; Patxi Tardío, tronpa; Alberto Urrecho, tronboia; Andoni Moñux, tuba; Amaia Aldalur, pianoa; Manu Gaigne, perkusioa, musikariak eta Errenteriako Herri Arte Eskola txistulari eta dantzariak izango dituzte lagun.
Arratsaldean helduko da abesbatzen jaialdia, 18:30ean. helduen abesbatza herrikoiak eta federatuak ariko dira; hamar abesbatza eta 160 lagun denera: Gazte Kemena, Errenteria-Orereta; Garrintzi, Errenteria-Orereta; Galtzagorri, Errenteria-Orereta; Eragiyok, Astigarraga; Sutargi, Lezo; Enarak, Lezo; Zumarte Gazte, Usurbil; Zarautz Abesbatza, Zarautz; Eresargi, Villabona; eta Kantaka, Lazkao.
Emanaldian, gainera, Errenteriako Musika Bandak eta Ereintza Dantza Taldeak hartuko dute parte.
Saiorako sarrerak salgai daude 2 euroan. Ereintza Elkarteko bazkideek doakoa dute sarrera, baina txarteldegian bertan hartu beharko dute sarrera nortasun agiria erakutsita.
